Heile 33 spelarar stilde til start på onsdag. Veldig gøy at så mange kjem å spelar på onsdagsturneringane. Vårt håp er at fleire nybyrjarar skal finne gleda i å konkurrere. Det var berre ein som stilde til start i Grønt kort klassa denne kvelden, så vi har god plass til fleire.

Jon Andre Rebbestad gjekk ei veldig god runde på par og vant med det GK-klassa. Jan Gundersen var den som gjekk best og tok sigeren med -2. Svein Aasen kom rett bak på -2. Jan Egil Gretland og Kenneth Rusten delte tredjeplassen på par.

Neste onsdag er det SkOlsen fourball.

Fullt av spelararar rundt klubbhuset før utslag.

Jan Gundersen (vinnar), Svein Aasen, Jan Egil Gretland, Jon Andre Rebbestad (vinnar GK) og Kai-Are Strande

Årets første scramble vart ei svært jamn turnering. Det var to slag som skilde første og siste laget. Det var to lag som delte førsteplassen og det var Rune Strømmen, Jan Trygve Gretland og Svein Aasen på det eine laget og Trond Are Ryste, Kai-Are Strande og Sveinung Aasen på det andre.

Neste turnering vert SkOlsen Tour 2 den 18. mai. Merk at denne turneringa vert flytta til torsdagen på grunn av 17. mai på onsdag.

Trond Are Ryste, Rune Strømmen, Jan Trygve Gretland, Svein Aasen, Kai-Are Strande og Sveinung Aasen

Det er tydeleg at det er mange som har lengta etter å få spele turnering igjen. Heile 31 spelarar stilde til start i årets første SkOlsen Tour. Det var strålande vårver med blå himmel. Kai-Are Strande var den som gjekk aller best denne kvelden og hamna på -3. Tett bak på -2 kom Joar Voldsund og Kai-Rune Bjørke. Jan Gundersen har gitt beskjed om feilføring av sekreteriatet og skal litt lenger ned på lista. Jan Egil rykte då opp frå 5. plass til 4. plass.

Neste onsdag er det SkOlsen Scramble. Turneringane ligg ute så det er berre å melde seg på.

Jan Egil Gretland, Kai-Are Strande (vinnar), Jan Gundersen, Joar Voldsund og Kai-Rune Bjørke

Då ser det ut som veret vert litt meir stabilt framover og vi startar med SkOlsen Touren på onsdag 3. mai. Dei turneringane som er bekrefta ligg no i kalenderen på voldagolf.no og dei første turneringane finn du no i Golfbox. Prisane på onsdagsturneringane er som tidlegare: kr. 100 for 9-hols turneringane, kr. 200 for 18-hols turneringane og kr. 1.500 for alle onsdagsturneringane. Junior/barn er halv pris. Premiane er også i år sponsa av onsdagsturneringssponsoren vår SkOlsen - Eurosko Volda og Eurosko Amfi Ørsta, som har eit godt utval av Ecco golfsko i sine butikkar.

NB! Merk at vi som tidlegare premierer berre dei som vert igjen på premieutdelinga. Om ein av dei som skal ha premie har gått så går premien vidare til neste på lista.

Vel møtt til ein fin turneringssesong.

Frå ei av SkOlsen turneringane i 2002.

Over tjue personar stilde på dugnad og dugnadsturnering etterpå. Det vart gjort mykje godt arbeid og no er bana opna og klar for ein ny sesong. Rune Strømmen vant dugnadsturneringa med 21 poeng. Nærast Rune var Sindre på 20 poeng. Jan Gundersen, Gunnar Eikrem og Arnfinn Strande gjekk alle på 19 poeng.

Takk til alle som stilde på dugnad!!

Per Arve Hovde, Rune Strømmen, Sindre Kalvatn, Jan Gundersen og Arnfinn Strande

Bjørn Arve sliper aggregat.

Tore, Per Kristian og Yngve ordnar bunkeren på hol 5.

Herman med ryddesag.

Kai-Rune og Helge fliser opp skat.

Are og Kai-Are gjer klar vatningslangane til teeane.

ETTER dugnadsturneringa på laurdag 15. april vert bana og drivingrangen opna for spel. Dugnadsturneringa startar etter vi har fått i oss mat (kl. 14) og er sikkert ferdig om lag kl. 17.

Vi vil oppmode alle som har høve til å stille på dugnaden slik at vi får bana fin og klar for ein ny sesong.

På laurdag 15. april så vert det dugnad frå klokka 10.00. 

Arbeid som skal gjerast er:

• Rydde på bana og drivingrangen (plukke opp greiner o.l.)
• Stelle bunkerane
• Rake teeane
• Rette opp stakar og elles gjere bana klar til spel
• Med meir.

Det vert mat og drikke om lag klokka 14 og så vert det dugnadsturnering med gratis påmeldingsavgift for dei som har vore med på dugnaden.

Vel møtt!!

Ein matbit før dugnadsturneringa i 2022.

Om du har lyst til å starte med å spele golf så kan ein no ta VTG (vegen til gofl) kurset på simulator. Kurset vert då tredelt.

Del 1 - Teori
Teoridelen kan ein no ta i ro og mak heime. Klikk her for å gå til NGF si side om VTG kurset for å registrere deg og gjennomføre kurset. Teoridelen tek om lag ein time.

Del 2 - Praktisk del på simulator
Her kan du i lag med vår trenar øve på golfslaga og gjennomføre den delen av kurset som vi tidlegare har hatt på øvingsområdet vårt i Vassbotnen. Om du ikkje har golfkøller så kan du låne med klubben til gjennomføringa av kurset. 

Del 3 - Praktisk del på bane
Siste del av kurset kan du ta som ei runde golf i lag med ein ven på golfbana. Om du ikkje har nokon å gå i lag med så kan vår trenar gjennomføre dette.

Kurset kostar kr. 500 for barn opp til og med 16 år og kr. 1.500 frå 17 år og oppover. Dette inkluderer medlemsavgift for første året med fritt spel på golfbana vår i Vassbotnen. 

Når du er ferdig med første delen så kan du sende ein e-post til This email address is being protected from spambots. You need JavaScript enabled to view it. med diplomet du fekk. Vi gjer då avtale med deg om når det høver å gjennomføre den praktiske delen på simulator.

Har du spørsmål om kurset så kan du ta kontakt med oss på e-post This email address is being protected from spambots. You need JavaScript enabled to view it.

Vel møtt!

Golfsimulatoren vår i Strandgata 9 i Ørsta. Her inne er det alltid godt ver og gode speleforhold.

Årsmøte 2022 Volda Golfklubb

I samsvar med lov for Volda Golfklubb §10 og lov for Norges idrettsforbund §2-16 kallar vi med dette inn til årsmøte fredag 3. mars 2023 klokka 19.00 på Havila Hotel Ivar Aasen.

Forslag som skal handsamast på årsmøtet må vere sendt til styret seinast 2 veker før årsmøtet.

Fullstendig sakliste og andre nødvendige saksdokument vil bli tilgjengelege på www.voldagolf.no seinast ei veke før årsmøtet.

 Volda 29. januar 2023