Det var berre 7 deltakarar på onsdagens SkOlsen Tour, som ber preg av at det er sommarferie og framleis regntid på Sunnmøre. Til trass for få deltakarar så var det mykje godt spel. Johan Liadal og Harald Indresøvde gjekk på -1, men Johan har lågare handicap og fekk med det førsteplassen. Rett bak dei på par var Joar Voldsund. Johan har begynt å finne forma og kan bli skummel utover hausten. Harlad og Joar har vore jamne gjennom heile sesongen og har stort sett vore på pallen på kvar turnering.

Joar Voldsund, Johan Liadal (vinnar) og Harlad Indresøvde

Søndag 3. juli arrangerte Volda golfklubb, Sparebank 1 Søre Sunnmøre Open. Det var konkurrert i både Stableford og brutto. 

Det var 20 spelarar som trassa det ustabile sommarveret og fekk seg ei flott runde i Vassbotnen. Joar Voldsund hadde ei veldig god runde og gjekk på 74 slag som er 4 slag over banepar. Nærast Joar var Petter Hansen og Johan Liadal på 76 slag. I Stableford var det Johan Liadal som tok ein suveren siger med heile 44 poeng. Bak Johan var det fem spelarar på 37 poeng. Når det er lik poengsum så er det den med lågast handicap som går vert dømt først. Det gav denne rekkefølgja: Joar Voldsund, Jon Tore Sætre, Olav Trandal, Ståle Eikrem og Trond Are Ryste.

I dameklassa var det Mari Chluba som brukte færrast slag og vant med 91 slag over Grete Eikrem på 96. I Stableford var det snudd rundt og Grete vant med 30 poeng over Mari på 24.

Det var ingen deltakarar i grøntkort klassa.

Det var også konkurrert om lengste utslag på hol 18 og nærast pinnen på hol 7/16. Petter Hansen var den som slo lengst frå gult utslag og Svein Aasen frå raudt utslag. Kenneth Rusten var den som kom nærast pinnen på hol 7/16 med 1 meter og 77 centimeter.

Etter turneringa var det premieutdeling i klubbhuset med flotte premiar frå Sparebank 1.

Petter Hansen, Kenneth Rusten, Dag Roar Ørsal, Mari Chluba (vinnar brutto dame), Joar Voldsund (vinnar brutto herre), Svein Aasen, Johan Liadal (vinnar Stableford herre), Jon Tore Sætre og Olav Trandal.

Nokre stemningsbilder frå fotograf Rune Strømmen.

I samarbeid med vår hovudsponsor Sparebank 1 Søre Sunnmøre inviterer vi til Sparebank 1 Søre Sunnmøre Open, søndag 3. juli klokka 11. Det vert konkurert i Stableford og brutto i herreklasse, dameklasse og Stableford i GK-klasse. Det vert også premiar for lengste utslag på hol 18 og nærast holet på hol 7/16.

Påmeldingsfrist er 3. juli klokka 09.00

KLIKK HER FOR Å KOME DIREKTE TIL TURNERINGA

Turneringsleiar Jan Egil Gretland vil også i år ta i mot deltakarane.

Også i år vert det flotte premiar frå vår hovudsponsor Sparebank1 Søre Sunnmøre

Då er resultata frå gruppespelet i Toyota Sunnmøre Matchplay cup klare. Dei to beste i kvar gruppe går vidare til sluttspelet.

Gruppe 1
1. Helge Eltvik
2. Peder Barstad
3. Webjørn Yksnøy Bergmann
4. Trond Are Ryste

Gruppe 2
1. Jan Egil Gretland
2. Jan Trygve Gretland
3. Joar Voldsund

Gruppe 3
1. Johan Liadal
2. Are Myklebust
3 Svein Solum

Gruppe 4
1. Rune Strømmen
2. Per Kristian Langlo
3. Olav Trandal

Dette gjev følgjande matchar i sluttspelet:

Helge Eltvik - Jan Trygve Gretland
Jan Egil Gretland - Peder Barstad
Johan Liadal - Per Kristian Langlo
Rune Strømmen - Are Myklebust

Det ser ut som vi skal få regn på alle turneringane i år, men til tross for litt fuktig ver så var det god temperatur og mykje godt humør. Harald Indresøvde gjekk best av dei 21 spelarane som stilde til start. Han gjekk på -2 og hadde Joar Voldsund og Helge Eltvik rett bak seg på -1. Andreas Nupen vant grøntkort klassa. Det går rykter om storspel så det er ikkje lenge før Andres gjev Harald og resten av gjengen ein god fight i den andre klassa.

Harald Indresøvde (vinnar), Joar Voldsund, Andreas Nupen (vinnar GK) og Helge Eltvik

14 spelarar stilde til start i SkOlsen Flaggturnering. Der var det om å gjere å kome seg så langt som mogleg med sine tildelte slag. Lengst kom Joar Voldsund som var 9 meter i frå flagget på hol 20. Jan Egil Gretland runda akkurat 18 hol og hadde utslaget på hol 19. 

Joar Voldsund (vinnar), Jan Egil Gretland, Helge Eltvik og Per Arve Hovde

Flight nummer tre klar for utslag.

Då er gruppene for årets Toyota Sunnmøre Matchplay cup trekt.

Ta kontakt med dei andre i gruppa di og avtal tid for gjennomføring av matchar. Du skal spele mot alle i di gruppe. Sjå lenger nede for fullstendige reglar for matchplay cupen.

For å sjå resultat frå matchane som er spelt i gruppespelet og korleis tabellen er så kan de klikke her.

Reglar for Toyota Sunnmøre Matchplay cup 

Gruppespel

• Opp til 23 deltakarar så vert det fire grupper der dei to beste går vidare til sluttspel
  • Vinnar i gruppe 1 mot 2. plass i gruppe 2
  • Vinnar i gruppe 2 mot 2. plass i gruppe 1
  • Vinnar i gruppe 3 mot 2. plass i gruppe 4
  • Vinnar i gruppe 4 mot 2. plass i gruppe 3
• Det vert tilfeldig trekning av gruppene
• Det vert spelt matchar på 9 hol med fullt spelehandicap.
• De skal gå alle 9 hola og oppgi tal opp etter 9 hol
• Front eller back vert trekt av dei som går matchen før dei går ut på hol 1 eller 10.
• Siger gjev to poeng og uavgjort gjev 1 poeng
• Om det vert lik poengsum så er det totalt tal på hol opp (og ned) som avgjer. Om det også vert likt så tek vi omspel på dei som er like til ein har eit hol opp.
• Laurdag 4. juni vert felles oppstartsdag.
• Resultat etter kvar match i gruppespelet sender de til This email address is being protected from spambots. You need JavaScript enabled to view it.

Sluttspel

Sluttspelet skal spelast over 18. hol med fullt spelehandicap
Kvartfinalane vert spelt frå 15. juni til 30. juni
Semifinalane vert spelt frå 1. juli til 15. august
Finalen og bronsefinalen vert spelt frå 15. august til 1. september
Avvik frå oppsett plan må avtalast med turneringsnemda.
resultatet etter kvar match i sluttspelet kan de sende som tidlegare til Webjørn Yksnøy Bergmann som vil oppdatere resultata i Golfbox.

Det var berre datoen som hadde skifta til sommar, denne første sommardagen i 2022. Skodda gjekk heilt ned i fjorden og det rant godt frå himmelen. Til tross for veret så stilde heile 22 spelarar opp på SkOlsen Tour 3. Kristian Sekkeseter Strand hadde nok ein gong ei veldig god runde og tok førsteplassen med -5. Bak han var det tre blide karar som alle gjekk på -2. Det var Per Arve Hovde, Helge Eltvik og Jan Gundersen. Kristian er jamt oppe i toppen og ein sterk kandidat til samanlagt sigeren, men då må han overliste fjorårsvinnaren Per Arve, som kjem sigande bak frå.

Helge Trond Eltvik, Kristian Sekkeseter Strand (vinnar), Per Arve Hovde og Jan Gundersen

Jan Trygve Gretland, Kristian Strand og Helge Eltvik

På grunn av få påmeldingar så utsetjer vi Toyota Sunnmøre Matchplay cup med ei veke i håp om at vi får fleire påmeldingar. Her er det berre å melde seg på.

KLIKK HER FOR Å GÅ TIL TURNERINGA.