I strålande vårver stilde 29 golfarar opp på Vårspretten Ørn golf open. Veldig kjekt at det var med fleire gjestar frå Ålesund, Vanylven og sunnmøre golfklubbar. Det var henholdsvis 14 i seniorklassa og 15 i junior/vaksen klassa. Alle 29 deltok i ei samla stableford klasse. Andreas Nupen tok 1. plassen i junior/vaksen og gjekk på 77 slag. 2. plassen gjekk til Eldar Djupvik Johansen på 79 slag og Stian Sæth var slaget bak på 3. plass. I seniorklassa så var det Jan Egil Gretland som tok 1. plassen, også han vant på 77 slag. Kai-Are Strande var nærast i seniorklassa med 83 slag og Johan Liadal på 86 slag. I stableford klassa så var det Amir Muric som tok 1.plassen med 42 poeng. Daniel Vinjevoll Sætre kom på 2. plass og Richard Tomren kom på 3. plass. Begge to på 39 poeng. Vinnarane i dei ulike klassene fekk seg flotte golfbaggar. I tillegg var det forskjellig treningsutstyr til dei på plassane bak. Alle premiane var sponsa av Ørn golf.

Det vart i tillegg konkurrert i nærast pinnen på hol 7/16 og lengste utslag på hol 18. Jostein Digernes kom nærast pinnen medan Ulrik Saunes Sulebakk Sylte slo lengst. Det vart diskutert i klubbhuset etter runda at slaget var godt over 250 meter og er det lengste som har vore slått på "lengste utslag" på hol 18 på turnering, i manns minne. Ulrik har gode toppidrettsgener frå den utflytta voldingen Tommy Sylte som herja på fotballbanene rundt i landet frå slutten av 80-talet til godt opp på 2000-talet.

Dette var ein god start på sesongen og det ser bra ut med tanke på veret for neste turnering som er allereie på onsdag kl. 18.00. Då startar SkOlsen Touren, så det er berre å melde seg på.

Daniel Vinjevoll Sætre, Jan Egil Gretland (vinnar brutto senior), Kai-Are Strande. Johan Liadal, Richard Tomren, Andreas Nupen (vinnar brutto jr./vaksen), Jostein Digernes, Are Myklebust, Arnfinn Strande, Ulrik Saunes Sulebakk Sylte, Eldar Djupvik Johansen, Stian Sæth, Lasse Robertson og Amir Muric (vinnar stableford)

Stableford

Brutto Senior

Brutto Junior/vaksen