Kjære medlemmar,
for at vi alle skal få ei best mogleg oppleving på bana, er det viktig at vi tek omsyn både til spelet, bana og kvarandre. Golf er eit spel som byggjer på respekt, flyt og trivsel, og små handlingar frå kvar enkelt spelar har stor betydning for heilskapen. Ved å ta vare på bana, vise omsyn til medspelarar og halde eit jamt tempo, bidreg vi til ei betre oppleving for alle – både nye og erfarne spelarar.
Hugs desse enkle retningslinjene når du er ute på bana:
- Legg alltid tilbake oppslått torv (divots) på fairway.
- Reparer nedslagsmerke på greenen – gjerne ditt eige og eitt til.
- Riv bunkeren etter deg og jamn ut spor.
- Ver klar til å slå når det er din tur, for å halde tempoet oppe.
- Gå raskt mellom slaga – unngå unødig opphald.
- Slepp gjennom raskare spelarar dersom de brukar lengre tid.
- Avgrens leiting etter ball til maks 3 minutt.
- Plasser bag eller tralle smart, slik at du kjem deg raskt vidare.
- Vis omsyn – unngå støy og rørsle når andre skal slå.
- Hald god flyt i spelet og følg med på gruppa framfor.
Med venleg helsing
Styret